Breytt útlit

Var að breyta útliti bloggsíðunnar, er miklu ánægðari með hana svona. Sit reyndar hér heima í engu veðri.....það er hvorki vont né gott.......smá vindur og snjókoma en þrátt fyrir það er ekki flogið. Vinkona okkar hjónanna kom í gær frá Reykjavík og er strand. Gott að hafa hana en alltaf óþægilegt að vera strand. Það var því farið út í búð keypt lambalæri og ís og slegin upp matarveisla.

Skemmtilega gaman að svona veðri sem hvorki er af né á og ekkert hægt að gera nema njóta þess að vera til innan um alla þá sem manni þykir vænst um. 1sti í jólum hefst hjá mér í dag

Janis Ian

Þessa söngkonu hlusta ég jafnan á. Þótt þetta sé hennar þekktasta lag þá hefur hún að baki langan söngferil hefur samið marga aðra þekkta slagara og gefið út 21 sólóplötur. Fyrsta plata hennar kom út þegar hún var 15 ára og var henni likt við Bob Dylan. Eitt laganna af þeirri plötu Society´s Child vakti mikið umtal og var bannað að spila það í Bandarískum útvarpstöðvum. Textar hennar eru hárbeittir og hitta alltaf í mark, hver þekkir ekki það sem hér er sungið um: http://www.youtube.com/watch?v=QMbWsizeefY

Ísland langbest.....auðvitað.

Best að lifa á íslandi skv áliti Sameinaðu Þjóðanna. Noregur sem trónað hefur í efsta sæti undanfarin 6 ár hefur verið velt úr því sæti af þjóð sem telur rétt yfir 301.000 manns. Alls ekki svo vont....verst að þetta sé ekki heimsmeistarakeppni í fót- eða handbolta.

 Gleðjumst yfir þessu og setum markið hærra.

http://www.transworldnews.ca/NewsStory.aspx?id=29038

Guðni og Íraksstríðið...þá og nú

Frásögn Guðna Ágústssonar í ævisögu sinni um Íraksstríðið er allt önnur en sú sem hann sagði frá í viðtali árið 2005 

 

Fyrst Þetta.....

 

Innlent | Morgunblaðið | 18.1.2005 | 05:30

Guðni: Íraksmálið hefur verið margrætt

„Ég tel þessa yfirlýsingu vera rétta og kannast við þessa atburðarás," segir Guðni Ágústsson, landbúnaðarráðherra og varaformaður Framsóknarflokksins, um yfirlýsingu forsætisráðherra í gær vegna umræðu um Íraksmálið.

„Ég tel hins vegar að ýmsar fréttastofur hafi snúið út úr orðum mínum og tekið þau úr samhengi, án þess að bera það undir mig. Það er alveg skýrt þarna, að ákvörðun um að styðja með pólitískri yfirlýsingu hernaðaraðgerðir Breta og Bandaríkjamanna, sem Halldór og Davíð hafa rakið mjög skýrt og eru okkar banda- og vinaþjóðir á þessum vettvangi, hún er tekin af þeim sem það ber að gera. Ég hef aldrei sagt neitt annað en að þetta Íraksmál hefur verið margrætt í ríkisstjórn og utanríkismálanefnd og á vegum okkar framsóknarmanna fyrir og eftir þessa ákvörðun. Það er alveg á hreinu af minni hálfu," segir Guðni.

Er ekki að hverfa frá stuðningi við þessa pólitísku yfirlýsingu

„Ég vil líka hafa það á hreinu að ég lýsti því yfir að stuðningur minn væri við þessa pólitísku yfirlýsingu og er ekkert að hverfa frá því. Ég tel hins vegar mjög mikilvægt að þessari umræðu sem hér er eilíft í gangi um Íraksmálið ljúki," segir hann ennfremur og bætir við að Íslendingar séu ekki beinir aðilar að þessu stríði fremur en öðrum.

 

„Þarna voru auðvitað bandamenn að fara inn til þess að taka þennan Saddam Hussein, sem hafði drepið milljón manns og ógnaði heimsfriði. Það er auðvitað skýrt að þessi 30 þjóða yfirlýsing sneri eingöngu að því að fara inn og taka þennan mann úr umferð og hefja svo uppbyggingu í Írak og lýðræðislega endurskipulagningu. Nú eru kosningar þar framundan og þar er því hafinn nýr tími og ég held að við eigum ekkert að eyða kröftum okkar í þessar deilur. Maðurinn var ógnvænlegur," segir Guðni. 

 

 

......og nú þetta.

 

 

Vísir, 25. nóv. 2007 11:49

Guðni segir framkomu Halldórs ódrengilega

Guðni Ágústsson lýsir því í nýrri ævisögu sinni að ódrengilegt hafi verið af formanni Framsóknarflokksins, Halldóri Ásgrímssyni, að hafa varaformann sinn ekki með í ráðum þegar Halldór og Davíð Oddsson ákváðu að styðja innrás Bandaríkjamanna í Írak.

Stuðningur þessara tveggja ráðamanna við Íraksstríðið olli miklum titringi meðal flokksmanna og þjóðarinnar. Guðni lýsir því í bókinni Guðni - af lífi og sál hvernig hann heyrir fyrst af stuðningi íslenskra stjórnvalda við þessar hernaðaraðgerðir í útvarpsfréttum á leið eftir Reykjanesbrautinni í bíl sínum. Honum bregður svo að litlu munar að hann missi stjórn á bílnum og lendi utan vegar.

Guðni hringir í lykilmenn í flokknum og verður ljóst að Halldór tók þessa ákvörðun eftir að hafa ráðfært sig við mjög þröngan hóp nánustu samstarfsmanna. Viðbrögðum Guðna er svo lýst í bókinni: „Guðni er óttasleginn... Hann kvíðir viðbrögðum flokksmanna og finnst ódrengilegt að hafa ekki fengið að vera með í ráðum. Þessi pólitíski einleikur geti haft alvarlegar afleiðingar fyrir flokksforystuna og flokkinn allan."

Guðni heldur sig til hlés í málinu, en er „fúll og sár út í formann sinn fyrir pólitískan afleik sem ekki sér fyrir endann á." Svo gerist það að hann fer í viðtal í Sunnudagsþáttinn á Skjáeinum. Þar er hann þráspurður um þennan gjörning og Guðni endar á því að segja að „þetta sé ákvörðun Davíðs og Halldórs og þeir verði að klóra sig fram úr henni." Við þessi ummæli verður allt vitlaust í flokknum. „Halldór," segir í bókinni, „er Guðna reiður og varaformaðurinn er kallaður á teppið. Alþjóð þekkir eftirleikinn, Halldór er horfinn af vettvangi stjórnmálanna og Guðni sestur í formannsstól."

 

 

 

 Hvoru megin segir hann satt????

Þegar menn setjast í helgan stein þá rita þeir sína ævisögu en að sitjandi formaður geri það.....það orkar tvímælis. Þau skrif sem rata í fréttir úr ævisögu Guðna eru ekki heldur til þess fallnar að lægja öldur í flokki hans sem er að jafna sig eftir erfiðar innanbúðardeilur. Manni sýnist Guðni nú vera að kasta olíu á þann eld sem var að slokkna og þannig haga vandaðir formenn sér ekki.

Jú Halldór hætti, hann axlaði sína ábyrgð en Guðni hefur ákveðið að láta sem hann hafi ekki verið á staðnum, hann hefur ákveðið að snúa blinda auganu að sjálfum sér og slá fyrrum samstarsmenn og forseta neðan beltisstaðar. Ja svei mér ef kona Gunnars á Hlíðarenda hefði bara ekki verið stolt af pilti.

 

Obb, bobb ara bobb

Bíðum nú við, af hverju vildi Halldór spyrja Guðna um hvað hann ætlaði að gera, af hverju vildi Halldór að Guðni léti líka af störfum?

Hvað hefur Guðni gert fyrir Framsóknarflokkinn eftir að hann tók við formennskunni, utan að skrifa ævisöguna sína, afsakið að láta annan skrifa ævisöguna sína. Hvernig landbúnaðarráðherra var hann? Hvar eru störfin sem átti að byggja upp á landsbyggðinni? Hvernig varaformaður var hann? Var hann vinnusamur, leysti hann málin fyrir formanninn til að létta af honum störfin eða lét hann formanninn leysa sín vandamálin fyrir sig? Getur verið að kannski sé þarna meiðurinn að vandanum, milli þeirra tveggja? 

Guðni kann að segja brandara en getur hann skrifað sína eigin brandara fyrir sjálfan sig?

Ég hef ekki trú að Guðni komi sterkur út eftir að umræða um þessa ævisögu ágerist, mín skoðun er sú að bókin eigi frekar eftir að veikja hann í starfi.

Flokkurinn mælist með 9% fylgi og formaðurinn leggst í að skrifa ævisögu sína, fyrirgefiði, láta annan skrifa ævisögu sína.......Hver eru forgangsverkefni þessa manns, spyr sá sem ekki veit.

Nei nú er tími til að bretta upp ermarnar og safna fylgi fyrir flokkinn en ekki til að árita ævisögu sína sem maður skrifar, fyrirgefiði lætur annan skrifa fyrir sig, löngu áður en starsframanum er lokið. 

Hörðum átökum Guðna og Halldórs lýst í nýrri bók

Alvöru listamenn deyja aldrei.

Ef ég nefndi nafnið Klaus Sperber myndi einhver kannast við þann mann? Og ef ég segði að hann þótti ákaflega framúrstefnulegur í því sem hann gerði en væri þrátt fyrir allt þekktastur fyrir að hafa dáið......nægði sú vísbending til að segja þér um það hver þessi maður er?

Honum skaut allt í einu upp á yfirborðið um 1979 í New York og allt í einu var hann á hvers manns vörum í underground heimi listalífsins. Árið 1981 kom fyrri platan hans af tveimur út og seldist illa. Þá var hann búinn að taka upp listamannsnafnið Klaus Nomi sem var og heitið á hans fyrstu plötu. Nafnið Nomi bjó hann til úr orðinu OMNI sem var uppáhaldstímaritið hans.

Í dag er þessi plata talin ein af meistaraverkum samtímans, þarna var eitthvað alveg nýtt og frumlegt að gerast og þrátt fyrir allt....fáranlega einfalt.

Klaus hafði mikið dálæti á operutónlist og var lærður sem slíkur, söngstíll hans, klæðaburður og framkoma á sviði var þess eðlis að áhorfendur vissu ekki hvaðan á sig stóð veðrið. Svo sérstakur þótti stíll hans að hvergi var hægt að staðsetja hann, það sem hann flutti var ekki rokk, ekki klassík, ekki popp ekki pönk eða new wave en samt allt þetta í senn. Fljótlega aðhylltust menn þeirri skoðun að hann væri ekki af þessum heimi hann hefði komið með geimskipi utan úr geimnum. Klaus Nomi lifði sig inn í það hlutverk, Klaus Sperber var horfinn með öllu, geimveran Klaus Nomi hafði tekið yfir persónuleika hans.

Mörg góð lög eru á þessari plötu eins og Lightning Strikes, Nomi, The  Cold Song, You Don´t Own Me, Samson and Delilah og Total Eclipse  http://uk.youtube.com/watch?v=yuSrsGzhD9U&feature=related  Takið eftir múnderingunni hans allt frá skónum og að hvítmáluðu andlitinu með málaðar varir eins og á Geishu.

Árið 1982 kom síðari plata hans út hún bar nafnið Simple Man eðlilegt framhald á þeirri tónlistarstefnu sem hann hóf að þróa með fyrstu plötu sinni en náði ekki að fullkomna því endalokin voru að nálgast og þreyta og slappleiki af ókunnum sjúkdómi yfirtók allt hans líf.  

Klaus hafði mikil áhrif á samtímatónlist á áttunda áratuginum en aðal ástríða hans var óperutónlistin. Í næsta myndbandi sem er eitt af því síðasta sem hann gerði, syngur hann lag af fyrstu sólóplötu sinni.

Lagið The Cold Song eftir Purcell er sérkennileg aría úr óperunni Arthur konungur. Það er kaldhæðnislegt og sorglegt í senn að báðir þessir hæfileikaríku listamenn náðu ekki háum aldri, Purcell dó árið 1695 af berklum aðeins 36 ára gamall og Nomi dó 1983 aðeins 39 ára gamall.

http://uk.youtube.com/watch?v=0Ri8_C5mQx8


---------- Purcell's Cold Genius -----------

What power art thou, who from below
Hast made me rise unwillingly and slow
From beds of everlasting snow
See'st thou not ( how stiff )2) and wondrous old
Far unfit to bear the bitter cold,
I ( can scarcely move or draw my breath )2)
Let me, let me freeze again to death.3)

-------------------------------

Textinn við þessa aríu er sérlega sterkur og með tilliti til þess, nú er maður veit hve listamaðurinn þjáðist mikið vegna sjúkdóms síns þá fær textinn enn meiri dýpt og eykur enn frekar á þá sorg sem hann túlkar. 

Þrátt fyrir að Klaus Sperber hafi dáið og fengið þann vafasama heiður að vera fyrsta fræga persónan sem deyr úr eyðni þá lifir Klaus Nomi enn 25 árum síðar. Og þó hann hafi ekki náð að fullkomna tónlistarstíl sinn og þ.a.l. ekki náð hápunkti ferils síns þá er hans enn minnst sem einn af þeim stóru og menn óneitanlega velta því fyri sér hvert tónlist hans hefði þróast og hvaða hæðum hann hefði náð....bara ef.

En það varð ekkert ef, Klaus Nomi var fyndinn og hlýr maður, nánast einfeldingur og gjálífið tók sinn toll, eða eins og hann sagði sjálfur: "Klaus syngur eins og geldingur...en er þó með öll tól í lagi og á sínum stað"

Heimaldarmynd um Nomi var sett á markað fyrir nokkrum árum,fyrir þá sem hafa áhuga. 

 http://www.moviemaze.de/media/trailer/view/7206/99bc0cdd992103337d7311c065259de2/1591_trailer01-en_480.mov

Þarf að bíða eftir að hlaðist...muna að ýta á spila (play) takkan.

Beiðni frá Texas, framhald.

Hér neðar er grein sem heitir Beiðni frá Texas og fjallar hún um beiðni um að mál Darlie Routier verði tekið aftur upp. Allt virðist benda til þess að hún hafi verið ranglega dæmd um morð sem hún getur ekki hafa framið. Fjölskylda hennar hefur hafið söfnun til að geta rannsakað ný gögn sem komið hafa fram í þessu máli og þannig fengið það endurupptekið. Þau þurfa 10.000 usd. og nú er svo komið að þau eru komin langleiðina að ná því markmiði.

Hér fyrir neðan er þakkarbréf frá vini  Darlie sem fylgir þessu máli vel eftir og finnst honum eins og mér alveg stórmerkilegt að svona hlutir skuli geta gerst hjá stórþjóðinni USA "The Land of Free". Mig langar til að láta fylgja með slóð á ensku um þetta mál http://www.texasmonthly.com/mag/issues/2002-07-01/feature3-1.php 

þá er það þakkarbréfið, Þú afsakar lesandi góður að ég þýði ekki þetta þakkarbréf.

Just wanted to pass along an update from Darlie's mother: so far $3000 has been raised--a good-sized chunk of what is needed to get everything done properly. I have no idea who has contributed, or how much, or any of that. I just want to offer a blanket thanks to everyone out there who has offered good wishes and especially to anyone who may have contributed more tangibly.

Thank you--from Darlie's mother, from Darlie, and from me.

Á þessari slóð  http://www.petitiononline.com/RLHayes/petition.html  er hægt að skrifa undir beiðni sem send er til ríkisstjóra Texasfylkis um að frelsa Darlie.

Kærar þakkir fyrir áhuga þinn á þessu sorglega máli.

Leeds að keppa í beinni. Vann 2-1

Er nú á vellinum í Leeds gegnum tölvuna mína að fylgjast með mínum mönnum leika við Swindon. Fæ allar upplýsingar uppfærðar á tveggja mín. fresti gegnum þessa síðu http://news.bbc.co.uk/sport2/hi/football/teams/l/leeds_united/live_text/default.stm  og mínir menn eru yfir 1-0. Go Leeds go.

Æi þurfti Swindon nú endilega að jafna í 1-1 á 47 mín.

Leeds hefur skorað aftur, markið kom á 56 mín. staðan 2-1

Leik lokið með sigri Leeds, 8 gul spjöld veitt í leiknum, Leeds fékk 1 en Swindon 7. Lofar góðu fyrir framhaldið hjá Leeds allt útlit fyrir að þeir komist upp um deild þrátt fyrir að þurfa að byrja þessa deild með 15 stig í mínus.

Eru nýju valdhöfunum ekki að verða illt í bendifingrinum?

Langar til að vekja athygli á þessari grein Birkis. Það að kenna framsóknarflokknum um allt er að verða að frekar hjákátlegum farsa. Þegar þeim er svo líka kennt  um það.............sem ekki er hægt að kenna þeim um...............er þá ekki eitthvað mikið að hjá þeim sem benda.

http://birkir.blog.is/blog/birkir/entry/365765/

 

Heimur minnkandi fer

Sit og velti vöngum yfir hve stórkostlegur þessi netheimur er og hve samþjappandi áhrif hann hefur. "Heimur minkandi fer" á svo sannarlega við. Nú sit ég hér og blogga og les blogg frá öðrum sem ég veit engin deili á en lít á sem nýa íslenska vinahópinn minn. Svo er ég með annað augað á E-bay, nánari tiltekið þessa síðu

http://cgi.ebay.co.uk/Janis-Ian-3-Japanese-Imports-4-Exclusive-Bonus-tracks_W0QQitemZ110194376376QQihZ001QQcategoryZ307QQssPageNameZWDVWQQrdZ1QQcmdZViewItem

þar er ég með nýu erlendu vinum mínum frá öðrum bloggheimi að bjóða í þessar þrjá stórkostlegu hljómdiska en allt söluandvirði rennur óskert til http://pearlfoundation.com/ En þessi samtök hjálpa konum til að fara aftur  í skóla eftir að hafa þurft að gera hlé á skólagöngu sinni af einhverjum ástæðum.

Og nú ýti ég á hnapp og einhver les þetta fær áhuga og kannski býður í þessar þrjár frábæru plötur sem eru pressaðar í Japan.